Hamahirugarren astea ( Artea eta Ginkgoa / Azken hausnarketa ))

Hurrengo lerroetan zuhaitzen behaketaren prozesua behin amaitzerakoan egin dugun hausnarketa ikusi daiteke. Dakizuenez gure taldeari egokitutako zuhaitzak Artea eta Ginkgoa izan ziren. Bi zuhaitz hauek nahiko desberdinak dira haien artean eta arrazoi honegatik, haien arteko desberdintasunak ikustea erraza izan da. 

Hasteko, arteak hosto gogorragoa zituen eta beraz erortze prozesua, urteko garai honetarako, txikia izan da, Arteak hosto gutxi galdu ditu eta geratzen zaizkionak berde kolore iluna mantentzen dute oraindik. Honetaz aparte esan beharra dago Arteak, behatu dugun denboran zehar, fruituak eman dituela eta hauek jauzten joan direla. Bestetik, Ginkgoari dagokionez aldiz, hosto guztiak galdu dituela esan daiteke. Gainera, ikusi dugunez ez du fruiturik eman. 

Ikusitakoaren inguruan hausnartuz esan dezakegu artearen hostoa iraunkorragoa dela Ginkgoarena alderatuz

Laburbilduz, behaketa honi esker konturatu gara nolako aldaketak jasan ditzakeen zuhaitz batek hamahiru astetan. Egia da, aldaketak ugariak direla nahiz eta batzuetan askorik ez izan edota aldaketak nabarmenegiak ez izan. Guk behaketa prozesu honetan beraz, gauza asko ikusi, aldaketan nabaritu eta aldaketaren prozesua gertutik bizi al izan dugu. Gainera, guri egokitutako arbolen inguruan gehiago jakiteko aukera aproposa izan da.

Hamabigarren astea (Artea eta Ginkgoa)

Gure zuhaitzen kasuan aipatzekoa da, aurreko astearekin konparatuz ez dugula aldaketa gehiegirik ikusten edo nabaritzen gure arboletan. Gure kasuan, gehien arritu diguna izan da, nola Arteak ez dituen Ginkgoa bezala hosto guztiak galdu edota galdu ezean hauen kolorea aldatu. Egia da, pixkanaka hostoak erortzen zaizkiola eta batzuk zimeltzen hasita daudela. Zuhaitzak ez ditu  jada aurreko asteekin alderatuz hainbeste hosto. Oraindik hosto asko falta zaizkio erortzeko.

Aste honetako argazkiak:

GINKGOA

ARTEA

Hamaikagarren astea ( Artea eta Ginkgoa )

Aste honetan aldaketa orokorrean Ginkgoaren kasuan nabarmena izan da. Zuhaitzak eduki dituen hosto danak erori zaizkio, biluzik geratu da. Hala ere, aipatzekoa da enborrean eta errametan likena duela oraindik. Beraz ondorioztatu dugu,  behaketa hasi genuetik hona ,hain zuzen, hamaika aste pasatu behar izan direla, Ginkgoari hostoak erortzeko. Hau gutxi balitz, enborraren inguruan lurra edota konposta jarri diote.

Bestalde, Artearen kasuan ez dugu aurreko astearekin alderatuz,bestelako aldaketarik ikusi. gehien nabari dena aste honetan ere, hostoak apurka-apurka errotzen hasi zaizkiola da.

Aste honetan ateratako argazkiak:

GINKGOA

 ARTEA

Hamargarren astea (Artea eta Ginkgoa)

Taldekideok aste honetan aurkitu dugun aldaketarik nabermenena, Ginkgoa zuhaitzean izan da, izan ere, zuhaitza honen hostoak erortzen hasi dira eta gainera, hostoak jada zimelago eta marroiago jartzen hasi dira jauzi aurretik. Bestetik Artearen kasuan, aurreko astearekin alderatuta ez dugu aldaketa sakonik ikusi. Honen kasuan, fruta denak jauzi zaizkio eta enborreko liken zuria ere pixka bat gutxitu zaio eta hosto batzuk ere, erori zaizkio.

Aste honi dagozkion argazkiak hauek dira:

ARTEA

GINKGOA

ARTEA

Bederatzigarren astea (Artea eta Ginkgoa)

 Orokorrean nahiko aldeketa egon dira guri egokitutako zuhaitzetan. Ginkgoaren kasuan, honen hostoak zimeltzen eta marroiten hasi dira eta pixkanaka-pixkanaka hostoak erortzen hasi zaizkio. Enborreko, likena oraindik ere mantentzen da aldiz, aurreko asteetan bezalaxe eta adarretan ere, likena dauka.
Bestalde, Artearen kasuan, jada ez dauka ezkurrik eta enborrean ere, liken zuria mantentzen da. Aipatzekoa da beraz, behatzen hasi ginenetik eta hona bederatzi aste pasatu direla eta azkeneko asteetan sortutako ezkurrak ia denak galdu ditu jada. Hosto bat edo beste ere erortzen hasi zaizkio

Guri egokitutako zuhaitzei aste honetan ateratako argazkiak hona hemen:

ARTEA

GINKGOA